Gjykata Kushtetuese: S’ka popullsi rezident dhe jorezident

 

Sipas Gjykatës Kushtetuese, ndarja e popullsisë në rezident dhe jorezident nuk është në përputhje me një nga vlerat themelore të rendit kushtetues të vendit – sundimin e ligjit. Kushtetuesja njëherësh konstaton se drejtori i Entit të Statistikave i ka tejkaluar kompetencat, duke bërë kategorizimin e popullsisë në rezident dhe jorezident me akte nënligjore, pa autorizim ligjor për diçka të tillë. Vendimi do të hyjë në fuqi nga momenti i publikimit në Gazetën Zyrtare, ndërsa regjistrimi i vitit 2021 mbetet në fuqi.

 

 

I menjëhershëm ka qenë reagimi i parashtruesit të nismës në Gjykatën Kushtetuese, deputeti i Frontit Evropian Skender Rexhepi, sipas të cilit, Gjykata Kushtetuese e rrëzoi ndarjen absurde e diskriminuese të qytetarëve në “rezidentë” dhe “jorezidentë”, të bërë në mënyrë joligjore përmes metodologjisë së regjistrimit të vitit 2021!

 

“Vendimi është i qartë: Këto ndarje nuk do të lejohen më në të ardhmen! KJO ËSHTË FITORE E DIASPORËS!”, thekson mes tjerash Rexhepi.