Përfaqësimi i shqiptarëve në institucione, propozim-ligji javën tjetër në Komisionin e Venedikut

 

“Projektligji do të dorëzohet, besoj gjatë javës së ardhshme, gjatë këtyre ditëve në Komisionin e Venedikut dhe pastaj do të presim fidbekun e tyre, që do t’i japë edhe një vulë ndërkombëtare këtij projektligji, i cili besojmë që është në përputhje qind për qind me Kushtetutën, në përputhje me praktikat më të mira evropiane në këtë drejtim.”, - deklaroi zëvendësministri për Qeverisje të Mirë, Arben Fetai.

 

Fetai siguroi se propozim-ligji nuk preket nga vendimi i kushtetueses për shfuqizimin e metodologjisë së regjistrimit.

 

“Projektligji në fjalë nuk preket drejtpërsëdrejti nga ky vendim i Gjykatës Kushtetuese. Çështja e kalkulimit të përfaqësimit të drejtë dhe adekuat do të adresohet me akt nënligjor, që është metodologjia për përfaqësim të drejtë dhe adekuat, e cila do të miratohet nga trupi koordinues, i cili do të themelohet menjëherë pas miratimit të ligjit në Kuvend.”, - theksoi zëvendësministri për Qeverisje të Mirë, Arben Fetai.

 

Në Kuvend deputetët do të kenë mundësinë e ndërhyrjes në propozim-ligj nëpërmjet amendamenteve, pasi i njëjti të kthehet nga Komisioni i Venedikut.