Integrimi, Tripodi: Italia ju mbështet në këtë rrugëtim

 

“Investojmë resurse, kapital politik në përkrahjen e përafrimit të tërë rajonit në Bashkimin Evropian  dhe Republika e Maqedonisë së Veriut nuk është përjashtim dhe duam ta shoqërojmë në secilën fazë në rrugën e saj eurointegruese.”, - deklaroi zëvendësministrja e Jashtme e Italisë, Maria Tripodi.

 

 

Aspiratat eurointegruese vazhdojnë, por jo me çmim të interesave nacionale. Për ministrin e Jashtëm, Mucunski, për keqardhje është situata që në shekullin 21 ende tentohet të kontestohet identiteti, për të cilin më të çuditshëm e bën fakti se këtë e bëjnë vendet që i thonë vetes  evropianë. Integrimin nuk e pengojnë vetëm ndryshime kushtetuese, thotë ai.

 

“Thelbi i problemit është se sinjalet dhe ajo që kemi dëgjuar edhe  nga Bullgaria për një kohë të gjatë është se nuk bëhet fjalë vetëm për ndryshime kushtetuese. Dhe ku u identifikua kjo më së miri dhe më saktë, në Parlamentin Evropian, ku pamë se ka një propagandë aktive për fat të keq, në një konotacion negativ, të cilin e mbështet edhe Sofja zyrtare për modifikimin, pra modernizimin e identitetit kombëtar maqedonas. Në të njëjtën kohë, askush nuk e di se çfarë do të thotë ”identiteti modern” dhe “gjuhë moderne”. Dhe kjo është arsyeja pse themi, diskutojmë hapur, nuk pranojmë çfarëdo lloj kompromisi.”, - theksoi ministri i Jashtëm, Timço Mucunski.

 

Këto komente u thanë në Forumin e biznesit mes Italisë dhe Maqedonisë së Veriut, iniciativë e ngritur nga viti i kaluar në sferën e investimeve  dhe tregtisë.  Në vitin 2024, shkëmbimi  tregtar mes Italisë dhe RMV-së ka shkuar në 560 milionë euro.