Tramp: Izraeli pajtohet për armëpushim 60-ditorë në Gazë

 

“Netanjahu dëshiron t’i japë fund luftimeve në Gazë. Mund t’ju them që ai dëshiron. Besoj se do të kemi një marrëveshje javën që vjen.”, - deklaroi presidenti i ShBA-së, Donald Tramp.

 

Sipas tij, Katari dhe Egjipti, që kanë luajtur rol kyç në ndërmjetësim, do ta dorëzojnë propozimin përfundimtar tek palët.

 

“Shpresoj që Hamasi ta pranojë këtë marrëveshje, sepse nuk do të ketë një ofertë më të mirë, do të shkojë vetëm përkeq,” deklaroi presidenti amerikan, Tramp, pas takimit në Uashington me një delegacioni izraelit.

 

Edhe ambasadori i Izraelit në OKB, Dani Danon, ka konfirmuar se Izraeli është “absolutisht” i gatshëm për armëpushim, por mbetet e paqartë nëse Hamasi do të pranojë kushtet e propozuara, të cilat nuk janë bërë publike.

 

 

Ndërkohë Hamasi ka bërë të ditur se është i gatshëm të pranojë një marrëveshje për armëpushim me Izraelin, megjithatë këmbëngul se çdo marrëveshje duhet të çojë në përfundimin përfundimtar të luftës në Gazë.

 

“Hamasi është gati dhe serioz për të arritur një marrëveshje” dhe shtoi se Hamasi është “i gatshëm të pranojë çdo iniciativë që qartë çon në përfundimin e plotë të luftës”, citohet të ketë deklaruar zyrtari i Hamasit, Taher al-Nunu.

 

Ndërkohë përfaqësuesi i Përhershëm i Kinës në Kombet e Bashkuara, Fu Kong, deklaroi se paqja e përhershme në Gazë nuk mund të sigurohet me rrugë ushtarake. Ai tha se Kina i bën thirrje Izraelit që të ndalojë menjëherë të gjitha operacionet ushtarake në Gazë, pasi vuajtjet e popullit palestinez po rriten.