Fillkovi, një vit nën drejtimin e Ministrisë së Drejtësisë

 

“Nga tetë ligjet në agjendën e reformuese me afat deri në qershor 2025, 7 prej tyre janë dërguar tashmë në procedurë qeveritare: ligji për pagat e gjyqtarëve, ligji për pagat e prokurorëve publikë, ligji për pagat e anëtarëve të Këshillit Gjyqësor, ligji për pagat e anëtarëve të Këshillit të Prokurorëve Publikë, ligji për Këshillin Gjyqësor, ligji për shërbimin gjyqësor, ligji për shërbimin e prokurorit publik. Lidhur me ligjin e tetë nga agjenda reformuese, Kodin Zgjedhor, teksti është përgatitur nga shërbimet eksperte të Ministrisë së Drejtësisë, në përputhje me rekomandimet e ODIHR-it.”, - deklaroi ministri i Drejtësisë, Igor Fillkov. 

 

Përveç ligjeve  reformuese, Ministria e Drejtësisë ka përgatitur edhe 2 ligje të rëndësishme që nuk janë pjesë e agjendës reformuese, por rrjedhin nga detyrimet ndaj BE-së dhe rekomandimet e GREKO-s. Këto janë ligji për mbrojtjen e informatorëve dhe ligji për parandalimin e korrupsionit dhe konfliktit të interesit.

 

“Reformat nuk mbetën vetëm në letër. Ne e shfuqizuam vendimin e Qeverisë së mëparshme që e rriti dhjetëfish tarifën noteriale, u aktivizua Dhoma e Ekspertëve, filloi aplikimi i lidhjeve elektronike për masat zbatuese, u hap një zyrë për mbështetjen e viktimave të dhunës, formuam një Këshill të ri për Koordinimin e Teknologjisë së Informacionit dhe Komunikimit në Gjyqësor, promovuam udhëzuesin e parë për ndihmë ligjore falas në procedurat e azilit, filluam një fushatë edukative “Kompetenca jonë, e drejta juaj”.”, - theksoi ministri i Drejtësisë, Igor Fillkov.

 

Fillkovi tha se puna e tij do të vazhdojë të bazohet në llogaridhënien dhe përgatitjen e ligjeve në bashkëpunim me ekspert dhe trupa profesionale, të cilët do të jenë në interes të qytetarëve.