Maqedoni
Ndërpritet plotësisht komunikacioni drejt Vendkalimit Kufitar Bllacë për shkak të zjarrit
09.07.2025 15:15
Ministria e Punëve të Brendshme njofton se për shkak të përhapjes së shpejtë dhe të përsëritur të zjarrit në afërsi të Bllacës...
Ministria e Punëve të Brendshme njofton se për shkak të përhapjes së shpejtë dhe të përsëritur të zjarrit në afërsi të Bllacës, është ndërprerë plotësisht komunikacioni në aksin rrugor Shkup – Vendkalimi Kufitar Bllacë, në të dyja drejtimet. Si pasojë, është mbyllur edhe vetë pika kufitare.
MPB bën të ditur se në bashkëpunim me institucionet kompetente po ndërmerren masa për shuarjen e zjarrit dhe për menaxhimin e situatës.
U bëhet thirrje qytetarëve që të mos nisen drejt Bllacës derisa të shuhet zjarri dhe të normalizohet plotësisht qarkullimi. Publiku do të informohet në kohë për çdo ndryshim të situatës.