Saiti dhe Mickoski: Bashkëpunimi Qeveri - Kryqi i Kuq duhet thelluar

 

“Falënderim i madh për atë që e bëri dhe po e bën Kryqi i Kuq për tragjedinë në Koçan. E pamë edhe raportin e revizorit për mjetet e grumbulluara, pjesa më e madhe e të cilave janë harxhuar, mbetet edhe një pjesë e vogël. Mund të them se kanë bërë me të vërtetë punë të madhe. Atëherë së bashku e filluam atë aktivitet, i orientuam të gjithë ata bamirës, të cilët dëshironin të ndihmonin, që mjetet t’i orientojnë në llogarinë e Kryqit të kuq.”, - deklaroi kryeministri i RMV-së, Hristijan Mickoski.

 

“Së shpejti na presin takime pune në kuadër të institucioneve tona, si dhe në kuadër të Qeverisë, ku do të dakordohen aktivitetet e përbashkëta të cilat janë të orientuara në drejtim të përmirësimit të jetës në vendin tonë, në drejtim të përmirësimit të shërbimeve ndaj kategorive të ndjeshme, me theks të veçantë përmirësimin e kapaciteteve dhe mundësive të sistemit tonë për përgjigje ndaj sfidave që në përditshmëri i quajmë katastrofa të shkaktuara nga njeriu ose natyra.”, - theksoi sekretari gjeneral i Kryqit të Kuq, Sait Saiti.

 

Kryeministri Mickoski dhe sekretari i përgjithshëm i Kryqit të Kuq, Sait Saiti, njëherësh konstatuan nevojën për ngritjen e bashkëpunimit në nivel më të lartë ndërmjet Qeverisë dhe Kryqit të Kuq, për çka kryeministri paralajmëroi edhe një takim në Qeveri, për të analizuar programet e ministrive, e sidomos të Ministrisë së Politikës Sociale dhe mundësitë e bashkëpunimit me Kryqin e Kuq.