Zjarret në vend, aktive 3 zjarre, 5 nën kontrollë

 

“Gjatë ditës së djeshme kishim gjithsejtë 38 zjarre në hapësirë të hapur, 3 prej tyre janë aktiv në mëngjes, 5 janë nën kontroll të plotë përderisa zjarret e tjera janë shuar, falë intervenimit të shpejtë dhe të guximshëm të zjarrfikësve lokal. Aktualisht aktivë janë zjarret në fshatin Nikuliq të Dojranit, në fshatin krapa të Makedonski Brod, si dhe zjarri në Komunën e Velesit në Xhidimirci. Fokusi ynë në mëngjes ishte në fshatin Nikuliq që është disa dit zjarri aktiv dhe është në teren vështirë të qasshëm e në disa vende edhe krejt i paarritshëm dhe sot vepruam me më shumë resurse.”, u shpreh drejtori i Drejtorisë për Mbrojtje dhe Shpëtim, Stojance Angelov.

 

Kryeministri pohoi se ka indikacione dhe dyshime të bazuara për aktivitete të organizuara qëllimisht. 

 

 

Prokuroria Publike, nga ana tjetër, informon se dyshimet për një krim të mundshëm dhe rrezikim të mjedisit me materiale mbeturinash po hetohen në lidhje me zjarrin në deponinë në Vizbeg.

 

"Është marrë i gjithë dokumentacioni që lidhet me menaxhimin e mbeturinave dhe janë dhënë udhëzime për të kryer intervista me individë për të përcaktuar saktësisht se çfarë lloj mbeturinash janë ruajtur në vend dhe nëse janë respektuar rregulloret ligjore dhe lejet e punës.", kumtuan nga Prokuroria Publike. 

 

Autoritetet kanë ndaluar lëvizjen në pyje, përveç personave që kanë marrë leje me qëllim parandalimin e zjarreve. Qytetarëve u bëhet vazhdimisht apel që të mos hedhin bishta cigaresh dhe të mos ndezin zjarre. Zjarret e shuar kanë të bëjnë me disa vende me bimësi të ulët, mbeturina, deponi të një familjeje, ndërsa ndërhyrje u kryen edhe në vendbanime, rrugë dhe ndërtesa në disa vendbanime.