Vrasje e dyfishtë dhe vetëvrasje në Prilep

 

Sipas informacioneve të para, autori i dyshuar, që ishte dajë i njërës prej viktimave, ka hyrë në shtëpinë e familjes në lagjen Toçila dhe ka hapur zjarr. Policia është përballur me një situatë jashtëzakonisht të rrezikshme, pasi autori ka qenë i armatosur dhe, sipas raportimeve, mbante një granatë në dorë. Ai ka shtënë edhe drejt forcave policore.

 

Pas disa orësh drame me pengje, njësitë speciale kanë ndërhyrë dhe kanë neutralizuar autorin, i cili në fund ka vrarë veten.

 

Policia ka kryer ekspertizë në vendngjarje, ndërsa priten detaje zyrtare nga Ministria e Punëve të Brendshme lidhur me motivet e kësaj tragjedie të rëndë.