Konferencë, llogaridhënia financiare për zgjedhjet

 

“Vetëm disa parti mbetën të bllokuara me vendim të ministrit të Drejtësisë, sepse nuk i respektuan afatet e parapara kohore për dorëzimin e raporteve financiare, edhe pse ata paraprakisht ishin të informuara nga Enti Shtetëror për Revizion se duhet t’i përmbahen afateve të parashikuara kohore dhe të njëjtat t’i dorëzojnë.”, - deklaroi kryrevizori shtetëror, Maksim Acevski.

 

Ndryshimet dhe plotësimet e Kodit Zgjedhor në kohë pa dyshim se do të kontribuojnë në organizimin e zgjedhjeve më të mira, fer dhe demokratike, thanë përfaqësuesit e ambasadave të huaja, të cilët ndër vite ndihmojnë vendin gjatë organizimit të zgjedhjeve. Ata apelojnë se në ndryshimet e ardhshme të Kodit Zgjedhor kurdo që ato të ndodhen, do të inkorporohen të gjitha rekomandimet e Komisionit të Venedikut dhe të Entit Shtetëror për Revizion.

 

“Shpresojmë që rekomandimet e Komisionit të Venedikut dhe konkluzionet e zyrës së Entit Shtetëror për Revizion do të merren parasysh në ndryshimet dhe plotësimet e ardhshme të Kodit Zgjedhor, në mënyrë që ndryshimi i tij i duhur dhe në kohë do të kontribuojë në organizimin e zgjedhjeve më të mira. Shpresojmë që kjo të ndodhë në kohë.”, - theksoi ambasadorja e Zvicrës në Shkup, Hullman.

 

“Të gjitha rekomandimet duke i përfshirë edhe ato të OBSE dhe ODIHR-it duhet të zbatohet pa prolongim, sepse veprim me prolongim sjell rrezik për hamendje të opinionit, përderisa angazhimi i koordinuar dhe konstruktiv mund të sjellë përparim të shtuar dhe të përforcojë kredibilitetin e  institucioneve dhe zgjedhjeve.”, - u shpreh shefi i misionit të OSBE-së - Shkup, Kilian Vall. 

 

Konferenca kushtuar “Llogaridhënies financiare për zgjedhjet” u organizua në bashkëpunim me Entin Shtetëror për Revizion, misionin e OSBE-së në Shkup, programin zviceran për mbështetjen e zgjedhjeve dhe u zbatua nga  Fondacioni Ndërkombëtare për Sisteme Zgjedhore IFES.