Parashikimi i motit

Sot moti do të jetë me diell dhe shumë i nxehtë, me vranësira të vogla deri mesatare lokale. Do të fryjë erë e lehtë deri mesatare nga drejtimi veriperëndimor. Pasdite do të ketë kushte për paraqitje të izoluar të motit jostabil, me reshje të shkurtra shiu dhe bubullima. Temperatura minimale do të lëvizë nga 11 deri në 20°C, ndërsa ajo maksimale do të arrijë nga 32 deri në 39°C. Indeksi i rrezatimit ultraviolet do të jetë shumë i lartë dhe do të arrijë vlerën 9.

 

Në Shkup, moti do të jetë me diell dhe shumë i nxehtë, me vranësira të vogla deri mesatare dhe me erë të lehtë deri mesatare nga drejtimi veriperëndimor. Temperatura minimale do të ulet deri në 19°C, ndërsa ajo maksimale do të ngjitet deri në 39°C.

 

Për shkak të indeksit të lartë UV dhe rrezikut nga vala e të nxehtit, institucionet kompetente rekomandojnë që qytetarët të qëndrojnë në ambiente të freskëta, të konsumojnë mjaftueshëm lëngje, të shmangin aktivitetet fizike gjatë orëve më të nxehta të ditës dhe të kenë kujdes të veçantë për grupet më të ndjeshme të popullsisë.