Eurointegrimet, Sofia pa përgjigje për rezolutën e përbashkët

 

“Ende nuk kemi marrë përgjigje nga ana e tyre, por sipas meje, ajo që duhet bërë është të ecim përpara në shekullin e 21-të dhe të mos merremi më me tema të tilla. Pres që të mendojnë mirë, sepse mendoj se marrëdhëniet e mira fqinjësore mund të ndërtohen vetëm me takime të arsyeshme, biseda dhe atëherë, jo me deklarata politike ku marketingu politik është në vend të parë.”, u shpreh zëvendës ministrja për çështje evropiane, Viktoria Trajkova.

 

 

Ndërkohë akuzat mes pozitës dhe opozitës maqedonase kanë vazhduar edhe këtë fundjavë. Pikërisht, procesi euro-integrues, identiteti dhe gjuha maqedonase kanë qenë temë për të cilën VMRO-DPMNE dhe LSDM po ia hedhin fajin njëra-tjetrës.  Mile Lefkov nga VMRO-DPMNE akuzoi se struktura të LSDM-së marrin fonde bullgare për të përhapur dezinformata dhe për të mohuar identitetin e gjuhën maqedonase. 

 

“Informacionet tregojnë se disa qarqe në LSDM dhe të afërt me ta financohen plotësisht nga fondet bullgare, me qëllim shpikjen dhe përhapjen e gënjeshtrave kundër politikanëve të VMRO-DPMNE-së dhe drejtuesve shtetërorë. Ajo për të cilën po flasim shihet shumë qartë nga shpejtësia me të cilën fabrikimet kundër VMRO-DPMNE-së dhe kryeministrit Mickoski përhapen nga mediat bullgare në hapësirën maqedonase nga struktura të afërta me LSDM-në. Si mbështetje për këtë propagandë antimaqedonase, është Venko Filipçe dhe qëndrimi i tij i fshehur nga publiku, se ai do të pranojë përfshirjen e bullgarëve në Kushtetutë, pa asnjë kërkesë.”, tha Mile Lefkov nga VMRO-DPMNE.

 

 

Kanë reaguar nga LSDM-së. Nga atje thonë se VMRO-DPMNE po luan rolin e viktimës pasi ka dështuar në planin ndërkombëtar.

 

“VMRO-DPMNE është vendosur në rolin e viktimës, nuk dinë në mënyrë diplomatike se si të menaxhojnë kur diplomacia e VMRO-DPMNE-së vetëm se më krejtësisht ka dështuar. Kur më e kanë sjell identitetin dhe gjuhën maqedonase në pikëpyetje, përsëri ta hapin atë temë, kur vetëm se e kishim të mbrojtur, e dini me marrëveshjen e nënshkruar me FRONTEKS dhe ajo temë ishte e mbyllur, tash e shoh VMRO-DPMNE përsëri e kthen mbrapa dhe këtë definitivisht e bën në mënyrë tendencioze, pasi ajo do shtet të robëruar, shtet I cili do të jetë pa kontroll.”, tha Bogdananka Kuzevska nga LSDM.

 

Nga LSDM gjithashtu akuzojnë VMRO-DPMNE-në se punon kundër kritereve të BE-së dhe se e ka kthyer shtetin mbrapsht procesit euro-integrues. Ata thonë se si opozitë do të vazhdojnë të mbështesin progresin e shtetit dhe rrugën drejt Bashkimit Europian.