Temperaturat arrijnë në 40 gradë celsius, Mjekët: Kujdes, sidomos te pacientët me sëmundje kronike

 

“Qytetarët ankohen me tension të lartë të gjakut, po ashtu nga temperaturat e larta  ka  raste me virus të barkut, diarre, të vjella dhe simptome të ngjashme. Mundohemi t’u përgjigjemi të gjitha thirrjeve, kërkesave të qytetarëve, por tash është edhe koha e pushimeve dhe mungesa e personelit në shëndetësi dhe kjo e bën të veten. Apelojmë edhe tek qytetarët se si vozisin nëpër rrugë, sepse prej të nxehtit rreziku për aksidente trafiku është më i madh.”, - deklaroi Aleksandra Dimovska nga Ndihma e Shpejtë.

 

 

Edhe pse mjekët dhe autoritetet rekomandojnë që qytetarët të evitojnë daljet nga ora 11:00 deri në orën 17:00, ka nga ata që nuk e respektojnë apelin.

 

“Mua nuk më ndikojnë temperaturat. Edhe pse jam pensionist ia dal dhe i kryej punët që i kam.”, - tha një qytetar.

 

“Unë  i përballoj temperaturat e larta.”, - tha një qytetar tjetër. 

 

“Mirë është, unë nuk kam problem.”, - u shpreh një qytetar.

 

Enti Hidrometeorologjik njofton se gjatë javës moti do të vazhdojë të jetë me temperatura të larta, që do të sillen prej  35 deri në 40 gradë celsius.