Kuvendi i Kosovës, dështoi 50 herë seanca konstituive

 

“Jemi në javën që dua të besoj se do të ketë reflektim nga partitë politike. Nëse nuk do të kemi reflektim nga Nisma dhe LDK-ja, unë mendoj se është faza kohore kur seriozisht duhet menduar që t’i kthehemi qytetarit dhe vendi të shkojë në zgjedhje.”, - deklaroi Faton Peci nga LVV.

 

“Sa i përket krizës politike në vend është vërtet tragjike fakti se pas 50 herëve, nuk arrin një parti që ka 48 deputetë të bëj një shumicë, edhe pse ka shumë alternativa.”, - theksoi kryetari i LDK-së, Lumir Abdixhiku.

 

“Ka rastisur me qenë të dy të pabesë, kështu që asnjëri nuk po i zë besë tjetrit.”, - u shpreh Lahi Brahimaj nga AAK.

 

Në dispozicion për ta përmbyllur konstituimin në bazë të vendimit të Gjykatës Kushtetuese i kanë edhe 5 ditë. Por, a do t’ia dalin? Kjo pyetje do të marrë përgjigjen deri më 26 korrik. Por, deri atëherë avokatit Arianit Koci vështirë se do t’i rriten flokët, të cilat në shenjë proteste për moskonstituimin e institucioneve, vendosi t’i shkurtojë para Kuvendit.