Samiti BE – Kinë, Xhinping: Kina dhe BE-ja duhet të thellojnë besimin

 

“Sa më e vështirë dhe më e komplikuar të jetë situata globale, aq më shumë Kina dhe BE-ja duhet ta përforcojnë komunikimin, ta rrisin besimin e ndërsjellë dhe ta thellojnë bashkëpunimin, që të kontribuojnë për stabilitet më të madh dhe siguri në botë me anë të marrëdhënieve stabile dhe të shëndosha.”, - deklaroi presidenti i Kinës, Ksi Xhinping.

 

 

Por, përfaqësuesit evropian e kanë bërë të qartë se ekzistojnë ndasi të thella për çështje tregtare të BE-së me Kinën, pasi ka shqetësime se mallrat e lira kineze mund të stërngarkojnë tregun evropian. Ata kanë thënë se blloku evropian dëshiron të shohë “përparim konkret në çështjet e lidhura me tregtinë dhe ekonominë dhe që të dyja dëshirojnë marrëdhënie nga e cila përfitojnë njëjtë.

 

“Siç thellohej bashkëpunimi ynë, ashtu thelloheshin edhe pabarazitë. Arritëm deri në atë kthesë. Ribalancimi i marrëdhënieve tona dypalëshe është me rëndësi esenciale, sepse që marrëdhëniet të jenë të qëndrueshme duhet të jenë në interes të të dyja palëve. Për arritjen e kësaj, me rëndësi vitale është Kina dhe Evropa t’i pranojnë shqetësimet dhe të dalin me zgjidhje të vërtetë.”, - theksoi kryetarja e Komisionit Evropian, Ursula von der Lejen.

 

“Bota po kalon në një periudhë të pasigurisë globale, duke përfshirë jostabilitetin ekonomik, tensione gjeopolitike, si dhe sfida për njerëzimin. Ne e ndajmë përgjegjësinë për ruajtjen e rendit, bazuar në rregulla dhe të përballemi me sfidat globale.”, - u shpreh kryetari i Këshillit të BE-së, Antonio Kosta.

 

Samiti u mbajt në rrethana kur BE-ja ka vendosur tarifa të ashpra në makinat elektrike të importuara nga Kina, duke argumentuar se subvencionet industriale të Pekinit i kanë dëmtuar padrejtësisht konkurrentët evropianë. Kina është kundërpërgjigjur me masa hakmarrëse ndaj disa produkteve ushqimore evropiane.