Gjendja me zjaret në vend, Angellov: Zjarr aktiv në Goten

Gjithsej 13 zjarre të regjistruara, prej tyre 12 tërësisht të shuara dhe një nën kontroll të pjesërishëm. Ky është bilanci për 24 orët e fundit me gjendjen e zjarreve në vend.

Autoritetet e vendit informojnë se ekipet e përbashkëta të zjarrfikësve, armatës, policisë, vullnetarëve dhe punonjësve komunal gjatë gjithë ditës po mundohen ti mbajnë nën kontroll vatrat në malin Goten të cilët në mëngjes ishin lokalizuar, e më pas janë rindezur përseri.

“Mëngjesin e së premtës gjendja me zjarret paraqitet e qetë, por vazhdon herë pas here të shfaqen disa vatra aktive në malin Goten mes komunës së Berovës dhe Radovisiht. Mbrëmë vonë aty u evidentuan disa reshje të vogëla të shiut që nuk ishin të mjaftueshme për ta shuar tërësisht zjarrin. Këto vatra sot po mbikëqyren dhe mbi to intensivisht po intervenohet” – tha Drejtori i DMSH-së, Stojançe Angellov.

Në shuarjen e vatrave në Goten edhe sot në terren vepron helikopteri “Bllek Hok” nga Çekia dhe dhjetra zjarrëfikës nga Sllovenia.

Në prag të shënimit të festave të Ilindenit, autoritetet u bëjnë thirrje të gjithë qytetarëve për kujdes të shtuar dhe në rast se vërejnë zjarre mënjëherë t’i denoncojnë ato. Njëheri në seancën e dytë të Këshillit të Sigurisë e thirrur nga Presidentja Siljanovska - Davkova u diskutua edhe gjendja me zjarret dhe menaxhimin dhe organizimin institucional për përballjen më të mirë me stuhit e zjarreve. (Rexhep Qamili, TVM2)