Trendafillov: Inflacioni po rritet Qeveria të merr masa

 

 

“Çdo ditë që u lënë dhe i paralajmërojnë e shohim se inflacioni po rritet, është shtrenjtuar për 10% vlera e shportës minimale sindikale. Pas përfundimit të masave për tre muaj e shohim se inflacioni fillon të rritet dhe jeta e punëtorëve për çdo ditë po bëhet më e vështirë. Masa e fundit mund të përsëritet, me kufizimin e marzhës në 10% dhe dëshmoi se çmimet për 10% u ulën. Duhet pasur parasyshë se pas përfundimit të masës për 10% u shtrenjtua shporta për ushqim dhe pije. Kjo dëshmon se ka dhënë rezultat. Nuk e di se çka po pritet. Ndoshta po pritet shtrenjtim për 20% që më pas të ulet për 10%, të kenë fitim për 10%”, u shpreh Sllobodan Trendafillov nga LSM.   

 

 

Këto komente Trendafillov i bëri në protestën e të punësuarve në ndërmarrjet Florakom dhe Luna, kompani simotra me ndërmarrjen Parqet dhe Gjelbërimet. Ata kanë bllokuar Bulevardin Ilinden në shenjë proteste për mosmarrjen e pagave.

 

Ata akohen se nuk u janë paguar pagat për muajin qershor dhe korrik si dhe nuk u është paguar sigurimi shëndetësorë. Gjashtëdhjetë e tre të punësuarit e Florakom dhe Luna janë të vendosur të vazhdojnë me bllokadën në bulevarin Ilinden në Shkup deri sa ti marrin rrogat që u takojnë.