24 vjet MO, Mexhiti: Përforcojmë përdorimin e gjuhëve

 

 

“Si politikan nuk njoh botë të vogël apo të madhe, të këtillë apo të atillë, por vetëm një botë - Maqedonia, botë e të gjithë qytetarëve të vet ku kemi për obligim të gjithë të sigurojmë të ardhme më të mirë për të gjithë qytetarët e saj. Së bashku të ndërtojmë dhe së bashku t'i zgjidhim problemet. Valixhet të cilat largohen nuk kanë nacionalitet. Njerëzit shkojnë, edhe fshtatrat po zbrazen edhe maqedonas edhe shqiptarë edhe turq edhe romë dhe vllehë dhe boshnjakë dhe të gjithë. Ajo është porosia më e mirë e popullit ndaj atyre të cilët për mbi 20 vite manipulojnë se punojnë për ta, ndërkaq vazhdimisht i ndajnë", theksoi kryeministri Hristijan Mickoski.

 

 

Zëvëndëskryeministri Izet Mexhiti me këtë rast tha se MO nuk është vetëm një kujtim, por është një proces i gjallë i cili duhet të përkthehet në ligje të drejta dhe politika gjithpërfshirëse nëpër institucione që do tu shërbejnë qytetarëve. Qeveria tha Mexhiti mbetet e përkushtuar për të kriuar një sistem institucional dhe ligjor përmes së cilës do të garantohet barazi reale dhe jo vetëm formale. Një nga to është edhe përforcimi ligjor i pëdorimit të gjuhëve sipas parimeve të MO-së dhe Kushtetutës.

 

“Gjykata Kushtetuese duhet të interpretojë ligjet konform kushtetutës dhe frymës së saj, jo vetëm të bëjë lexim bardh e zi, të neneve të saj për këtë arsye. Qeveria po përforcon përdorimin e gjuhëve sipas parimeve të Marrveshjes se Ohrit dhe kushtetutës se vendit, në të gjitha nivelet e administratës dhe jetës publike, si simbol i barazisë dhe respektit ndëretnik. Thënë thjeshtë, përdorimi i gjuhes shqipe në institucione publike nuk është shfuqizuar, por po bëjm përpjekje për përforcimin e saj në rrethana kur ligji aktual gjendet i kontestuar para Gjykatës Kushtetuese”, u shpreh zëvëndëskryeministri Izet Mexhiti

 

 

 

“Si autorë dhe zbatues të Marrëveshjes së Ohrit, ne nuk do të lejojmë revizion të saj apo tentime për t’i zhvlerësuar të arriturat e përbashkëta. Populizmi afatshkurtër dhe lojërat elektorale nuk mund të zëvendësojnë përgjegjësinë e burrështetasve që mendojnë për të ardhmen e vendit. Ata që nuk kanë dhënë asnjë kontribut kombëtar dhe sot shfaqen si gjykatës të historisë, nuk mund të vendosin mbi sakrificat dhe fitoret e popullit tonë. Marrëveshja e Ohrit nuk është pronë e askujt, por trashëgimi e përbashkët dhe garanci e barazisë së qytetarëve”, thuhet në reagimin e BDI-së.

 

Edhe kryeparlamentari Afrim Gashi në ndërkohë tha  se Marrëveshja e Ohrit është njëthemel për barazi dhe paqe, dokument strategjik i cili duhet të shënderohet në një standard praktik që garaton funskionimin demokratik të shtetit.

 

Gashi, Mickoski  Mexhiti, por edhe BDI njëherit bënën thirrje për unitet ndërmjet të gjithë qytetarëve të vendit, duke e cilësuar marrëveshjen si një themel të përbashkët. Përfaqësuesit e ekzekutivit thanë se  Qeveria do  të  vazhdojë me zbatimin e politikave gjithëpërfshirëse në arsim dhe kulturë dhe po punohet në ndërtimin e një shërbimi civil multietnik, në të cilin përfaqësimi etnik, nuk  do të jetë vetëm statistik, por vlerë e shtuar për efikasitetin dhe besueshmërinë e institucioneve, ndërkohë nga BDI-ja thanë se më shumë se kurrë është koha e qendrimit të bashk, të lidhur pas rrënjëva dhe të bashkuar për të mbrojur dinjitetin kombëtar.