Zjarret me përmasa apokaliptike në Spanjë, flakët djegin 300 mijë hektarë tokë në 24 orët e fundit

Zjarret në Spanjën perëndimore kanë djegur 300,000 hektarë shtesë në 24 orë, sipas të dhënave satelitore nga Observatori Evropian i Kopernikut.

Megjithëse tërheqja e valës së të nxehtit që ka goditur vendin prej disa ditësh jep shpresë për një përmirësim të situatës.

Rreth 3,730,000 hektarë ishin djegur deri në mëngjesin e sotëm që nga fillimi i vitit në Spanjë, 300,000 më shumë se dje, të hënën, ndërsa ky numër është vazhdimisht në rritje, sipas Sistemit Evropian të Informacionit për Zjarret në Pyje ( EFFIS ), i cili përdor të dhënat e Kopernikut.

Që nga viti 2006, kur EFFIS filloi të mbledhë të dhëna, ky vit është viti më i keq për Spanjën për sa i përket zonave të djegura nga flakët, duke tejkaluar rekordin e mëparshëm të vendosur në vitin 2022, kur zonat e djegura arritën në 3,060,000 hektarë.

Pjesa më e madhe e kësaj zone u dogj në zjarret e mëdha që kanë shpërthyer për rreth dhjetë ditë në provincat e Zamorës dhe Castile dhe Leonit, në Spanjën veriperëndimore, në Ourense në Galicia, gjithashtu në Spanjën veriperëndimore, dhe në provincën e Cáceres në Extremadura, në pjesën perëndimore të vendit.

Mijëra njerëz u evakuuan nga dhjetëra fshatra, dhjetëra rrugë u bllokuan dhe shërbimet hekurudhore midis Madridit dhe Galicias u ndërprenë.

Vala e të nxehtit preku edhe disa vende të tjera të Europës.