Gjykim për ish-drejtorin e Shutkës, Andovi mohon fajin, seanca shtyhet

 

“Në asnjë rast nuk e kam shkelur ligjin e sanksioneve dhe asnjëherë nuk e kam rrezikuar sigurinë e burgut të Shkupit, këtë mund ta them. Për policët e burgut mund të them se e kanë bërë detyrën e tyre në mënyrë më të rregullt të mundur. Ata janë të akuzuar padrejtësisht.”, - deklaroi ish-drejtori i burgut, Filip Andov.

 

Seanca u shty për shqyrtimin e provave nga mbrojtja. 

 

“Shkaku për shtyrjen e kësaj seance është se një pjesë e të akuzuarve po sjellin fakte të reja, kështu që në seancën e radhës do t’i shqyrtojmë dhe do të shohim se si do të prononcohen dhe në çfarë mënyre do të prononcohet i akuzuari, Filip Andonov.”, - theksoi avokati, Stojan Angeleski.

 

Në seancën e ardhshme dëgjimore të pandehurit do të deklarojnë nëse ndihen fajtorë. Prokuroria pretendon se të akuzuarit, nga marsi deri në qershor të vitit 2024, u kanë mundësuar pesë të dënuarve të dërgohen në shtëpitë e tyre ose në lokacione të tjera për nevoja private, edhe pse atyre nuk u takonin favore të tilla.