Ndërtesa 16 katëshe përfshihet nga flakët, mbi 15 të vdekur dhe 63 të lënduar

Ministria e Shëndetësisë i ka thënë Radios “Evropa e Lirë” se 63 persona të tjerë janë lënduar prej zjarrit që u përhap sot në qarkun Binaqadi të Bakus. 

 

Ministri i Brendshëm, Ramil Usubov dhe prokurori i përgjithshëm, Zakir Qaralov, kanë dalë në vendin e ngjarjes.

 

Qaralov iu ka thënë gazetarëve se një ekip që përbëhet prej përfaqësuesve të Ministrisë së Emergjencave, asaj të Brendshme dhe Zyrës së Prokurorit do ta hetojnë shkaktarin e zjarrit.

 

Ai ka shtuar se hetimi paraprak tregon se zjarri është shkaktuar nga “kualiteti i dobët” i mbulesës së jashtme të ndërtesës. Nuk janë dhënë detaje të tjera.