Banka Popullore dhe Kadastra ofrojnë mbështetje për blerjen e banesës së parë

 

“Kjo që po ndodh në tregun e banesave në Republikën e Maqedonisë në disa qytete, veçanërisht në Shkup, i vë në kushte të papërshtatshme çiftet e reja e të rinjtë, sepse çmimet janë shumë të larta në krahasim me të ardhurat. Ne nuk duam që kjo të vazhdojë kështu dhe si Bankë Popullore kemi instrumente për ta arritur këtë qëllim.”, - deklaroi guvernatori i Bankës Popullore, Trajko Sllavevski.

 

Zhivkovski paralajmëroi rikthimin e Regjistrit të Çmimeve dhe Qiramarrjeve, një mjet i rëndësishëm për të ndjekur trendet e tregut të patundshmërive.

 

“E dimë që në periudhën e kaluar, në vitet e kaluara, ndodhi një rritje e madhe e çmimeve të patundshmërive dhe duhet të gjejmë bashkë mënyrën për relaksimin e çmimeve.”, - theksoi drejtori i Agjencisë së Kadastrës, Ivan Zhivkovski.

 

Të dy palët ranë dakord se diferencimi i kredive për blerjen e banesës së parë nga ato për investime, si dhe forcimi i bashkëpunimit institucional, do të krijojnë kushte për mbështetjen e qytetarëve në zgjidhjen e çështjes së strehimit dhe do të ndikojnë në stabilizimin e çmimeve në tregun e pasurive të patundshme.