Lindja e afërt, sulme të reja izraelite në Rripin e Gazës

 

“Po përparojmë aktualisht në disa drejtime – mbrojtjen e komunitetit druz në qarkun Suvejda, por jo vetëm atje, gjithashtu në krijimin e një zone të çmilitarizuar nga pjesët jugore të lartësive të Golanit deri në Damask, si dhe në krijimin e një korridori humanitar për të lehtësuar dërgimin e ndihmës, ushqimit, materialeve ndërtimore, gjithçka që është e nevojshme, përfshirë edhe ndihmën mjekësore, në përmasa të mëdha. Këto diskutime janë duke u zhvilluar pikërisht tani.”, - deklaroi kryeministri i Izraelit, Benjamin Netanjahu. 

 

Shpërthime të fuqishme ndriçuan qiellin e  Gazës. Qindra palestinezë braktisën shtëpitë dhe strehimoret. Ministri i Brendshëm izraelit paralajmëron se Gaza mund të shkatërrohet tërësisht në operacionin e ri luftarak. Banorët e Gazës nuk dinë çfarë të bëjnë.

 

“Është një situatë e vështirë, nuk dimë ku të shkojmë. Është hera e parë që nisem e nuk di se ku të shkoj. Ushtria hedh bomba e granata. Është e tmerrshme!”, - tha një banor i Gazës.

 

“Isha i detyruar të ik. Kjo është hera e dytë që shpërngulemi. Shkova drejt jugut, më pas u ktheva në Gazë. Tani po shkoj prapë në jug nga frika.”, - tha një banor tjetër i Gazës.

 

Organizatat humanitare paralajmërojnë gjatë kohë se lufta e shkaktuar nga sulmi i Hamasit dhe muajt e gjata të kufizimit të ushqimit dhe ilaçeve që hyjnë në Gazë nga ana e Izraelit, kanë shkaktuar uri të skajshme. Izraeli hedh poshtë deklaratën për uri dhe e cilëson si gënjeshtër. Përpjekjet për bisedimet e paqes janë në pritje teksa mediatorët presin hapat e ardhshëm të Izraelit.