Vazhdojnë akuzat mes partive, Osmani: Ta ndalim blerjen e votave

 

“Unë dëgjoj ditëve të fundit në kampin e kundërshtarit se duan të demotivojnë qytetarët duke shpërndarë paralajmërime se zgjedhjet do të përcaktohen një ditë para zgjedhjeve me blerjen masive të votave. Unë dua të them diçka të qartë! Më 19 tetor, populli i Çairit do të dalë masivisht dhe do të mposhtë sistemin e blerjes së vullnetit të qytetarëve.”, - deklaroi kandidati i BDI-së për Çairin, Bujar Osmani. 

 

 

Mendimi i Osmanit hidhet poshtë nga oponenti i tij, Izet Mexhiti. Ky i fundit kërkon nga ai që të mos luajë me dinjitetin e çairasve dhe t’i vlerësojë si qytetarë të ndershëm që nuk korruptohen.

 

“Me siguri nga përvoja e vet mendon se mund të blihet vota. Mendoj se ky është nënçmim për qytetarin e Çairit, për votuesin e Çairit. Çka nënkupton Bujar Osmani, 20 vite i ka blerë votat për BDI-në? Është qesharake, e pakuptueshme se si është jofalënderues ndaj votuesve të Çairit. Votuesi i Çairit nuk blihet, nuk shitet!”, - theksoi kandidati i VLEN-it për Çairin, Izet Mexhiti.

 

Izet Mexhiti nga koalicioni VLEN shton se kësaj radhe votuesit e Çairit jo vetëm se do të dinë të vlerësojnë, por me votën e tyre edhe do ta dënojnë kundërkandidatin e tij.