Zgjedhjet lokale 2025, deri në mesnatë nënshkrimet për kandidatët e pavarur

 

“Nënshkrimet për kryetarë të komunave janë mbledhur në Makedonska Kamenicë (dy kandidatë), Kumanovë, Debërcë, Ohër, Strugë, Dibër, Qendër, Demir Kapi, Makedonski Brod, Koçan, Manastir (dy kandidatë), Mogillë, Novaci (dy kandidatë), Gostivar, Demir Hisar (katër kandidat) dhe për Qytetin e Shkupit. Në listën për nënshkrime të këshilltarëve janë mbledhur në Makedonski Brod, Koçan, Çeshinovë, Oblleshevë, Manastir (dy lista për këshilltarë), Mogillë, Sveti Nikollë, Llozovë, Karposh, Dibër, Kumanovë dhe Nagoriçan i Vjetër.”,  thuhet në komunikatën e KShZ-së.  

 

 

Afati për dorëzimin e listave për kandidatët e kryetarëve të komunave dhe për këshilltarë është deri më 13 shtator, ndërsa deri më 11 shtator është afati për mbikëqyrjen e Listës Zgjedhore, ku nëpër të gjitha zyrat, departamentet rajonale dhe ueb-faqen e KShZ-së qytetarët mund të bëjnë kontrollimin e të dhënave të tyre mbi  Listën Zgjedhore. Ne vijmë e sipër në KShZ është edhe paraqitja për vëzhgimin dhe raportin e zgjedhjeve. Zgjedhjet lokale të 19 tetorit janë të tetat me radhë që nga mëvetësimi i vendit. Raundi i parë i votimit do të mbahet më 19 tetor, ndërsa i dyti më 2 nëntor. Në këto dy rrethe zgjedhore, qytetarët do të zgjedhin 80 kryetarë të komunave dhe po aq këshilla komunale dhe njëherësh do të zgjedhin edhe kryetarin e Qytetit të Shkupit.