Maqedoni
Seancë e re gjyqësore për rastin “Onkologjia”
10.09.2025 09:27
Në Gjykatën Themelore Penale sot vazhdon procesi gjyqësor kundër katër onkologëve...
Në Gjykatën Themelore Penale sot vazhdon procesi gjyqësor kundër katër onkologëve, mes tyre edhe ish-drejtori i Klinikës, Nino Vasev, të akuzuar për trajtim të pamatur të pacientëve. Në seancën e kaluar, Prokuroria pretendoi se të pandehurit u kishin dhënë terapi me doza të palejuara pacientëve rëndë të sëmurë nga kanceri, të cilat jo vetëm që nuk u kishin ndihmuar, por ua kishin përkeqësuar gjendjen. Mbrojtja qëndron në qëndrimin se është sajuar një komplot kundër ish-drejtorit. Dy nga mjekët deklaruan se nuk ndihen fajtorë, sepse kanë dashur t’u ndihmojnë pacientëve.
E vetmja që pranoi fajin ishte e akuzuara e dytë, Meri Peshevska, e cila tregoi me gisht pikërisht Vasevin. Vasevit dhe ish-drejtorit ekonomik Nuhi do t’u gjykohet në një proces tjetër për shpërdorim të pozitës zyrtare dhe përvetësim në shërbim. Prokuroria e ka vlerësuar dëmin në buxhet në 2,2 miliardë denarë.