Arrestohet në Itali autori i atentatit në Tuniz; humbën jetën 24 vetë

Një shtetas maroken, 22 vjeç, është arrestuar nga policia e Milanos, në Itali, pasi dyshohet të jetë një nga atentatorët në muzeun e kryeqytetit të Tunizisë, ku humbën jetën 24 persona.

 

Lajmin e bëjnë të ditur mediat e vendit fqinj, sipas të cilave 22-vjeçari kishte mbërritur në Itali bashkë me disa emigrantë të tjerë.

 

Ai ishte shpallur në kërkim ndërkombëtar nga autoritetet tuniziane dhe u vu në pranga nga agjentët e reparteve speciale ROS dhe DIGOS. 

 

Touil Abdelmajid konsiderohet si planifikuesi dhe ekzekutori material i atentatit që tronditi kryeqytetin e tunizisë pak muaj më parë. 

 

Në shtëpinë e tij në Milano, hetuesit italianë kanë gjetur materiale që do të analizohen nga shërbimet sekrete.