Virusi gastrointestinal, rehidratimi, kyç për virusin e barkut

 

“Simptomat të cilat i japin i ndajmë ne dy kategori, simptoma të cilat shkaktohen nga sistemit digjestiv ose sistemit të tretjes së sipërm, e ato janë vjellja, dhimbja e lukthit; si dhe ato të sistemit digjestiv të poshtëm, barkqitja, dhimbje e shtrëngesa në bark kryesisht të shkaktuara nga ngërçet e zorrëve. Grupmosha më e rrezikuar janë padyshim ata të cilët janë më të vegjël, domethënë fëmijët prej moshës 0 deri në moshën 6 vjeçare. Gjithashtu janë edhe grupi i të moshuarve prej moshës 65 vjeçare e tutje. E para në nivel të rëndësisë është rehidratacioni, domethënë uji së bashku me elektrolitet, e dyta është konsumimi i probiotikëve si dhe masat higjieno-dietetike.”, u shpreh për TVM2 mjeku Guxim Braimi.

 

Megjithëse virusi gastrointestinal është një infeksion i zakonshëm, është shumë e rëndësishme të kemi kujdes të shtuar për të parandaluar shpërthimet masive dhe komplikimet që mund të ndodhin, vecanërish tek ata që janë më të rrezikuar.

 

“Rekomandimet tona janë se, simptomatologji e cila zgjat më shumë se 48 orë veçmë është serioze dhe kërkon konsultim dhe kontroll edhe nga ana e mjekut, fillimisht nga ana e mjekut familjar dhe nëse mandej ai e sheh që ka indikacion të marr mendim edhe nga specialisti nëse vendos eventualisht për trajtim spitalor. Mirëpo në të shumtën e rasteve këtë sëmundje e qujme ne të vetë-limituar ose e vetë-kufizuar, e që nenkuptohet se simptomat nuk i zgjasin më shumë se dy ditë.”, u shpreh Braimi.

 

Mjekët këshillojnë qytetarët për masa të veçanta parandaluese dhe trajtimi të cilat mund të lehtësojnë pasojat e këtij virusi, të respektohen rregullat e higjienës personale, si larja e duarve pas përdorimit të tualetit dhe para ngrënies, të shmangen kontaktet me individë të tjerë në rast simptomash, të përdoren maska...gjëra këto të cilat reduktojnë mundësinë e përhapjes së virusit, sepse gjithmonë parandalimi është çelësi i mbrojtjes nga viruset.