Ivan Shimonoviq, prej sot në Maqedoni

Shimonoviq do të shoqërohet nga kolegët e Sektorit të KB-së për Çështje Politike.

 

Sipas paralajmërimeve, Shimonoviq do të realizojë takim me përfaqësuesit e lartë të qeverisë, liderë të partive politike, avokatin e popullit, përfaqësues të shoqërisë qytetare të cilët punojnë në përparimin e të drejtave të njeriut, agjencitë e Kombeve të Bashkuara dhe përfaqësues të bashkësisë ndërkombëtare në vend.

 

Kjo do të jetë vizita e parë në vend nga një përfaqësues i lartë i Kombeve të Bashkuara për të drejtat e njeriut nga viti 1999. 

 

Ivan Shimonoviq është ndihmëssekretar i përgjithshëm i KB-së për të drejtat e njeriut nga muaji korrik i vitit 2010.

 

Ai është udhëheqës i Zyrës së Komisariatit të Lartë të Kombeve të Bashkuara për të Drejtat e Njeriut në Nju Jork.