Pensionet, rritja e moshës së pensionit, masë e diskutueshme

 

“Parashikimet më të reja janë se në vitin 2050 do të jemi një milion e gjysmë. E gjithë kjo flet për joqëndrueshmërinë e shtyllës së parë pensionale, përkatësisht për pamjaftueshmëri të mjeteve dhe detyrimin për të vazhduar me reformat për zhvillim të shtyllës së dytë të detyrueshme pensionale.”, - deklaroi Snezhana Stankoviq nga Shoqëria Private Pensionale.

 

“Tashmë jemi në proces të rishikimit të rregullativës ligjore aktuale, ku duhet të formohen, të ashtuquajtura “multi-fonde”, të cilat do ta ndjekin kufirin e moshës së anëtarëve të fondeve pensionale dhe pikërisht për këtë do të ketë portfolje adekuate, me qëllim që të rritet kontributi i investimeve dhe mbrojtje më të madhe pensionale.”, - theksoi kryetari i Shoqatave të Pensionistëve, Marjan Nikollovski. 

 

Nga MAPAS sigurojnë se paratë e qytetarëve janë të sigurta, ndërsa shoqëritë e pensioneve kontrollohen në baza ditore. 

 

“Qytetarët duhet të jenë të sigurtë se të hollat janë të sigurta. Investohet nga ana e shoqërive të sigurimit, ne i mbikqyrim, i kontrollojmë çdo ditë, çdo muaj, që do të thotë akumulohet një shumë e parave diku rreth 178 miliardë denar, ndërsa anëtarët e shtyllës së dytë numërojnë mbi 620 mijë anëtarë.”, - u shpreh drejtori i MAPAS-it, Remzi Bajrami.  

 

Nga paga bruto, 18.8% rrjedhin për pensione. Prej këtyre parave 12.8% harxhohen për pagesën e pensioneve aktuale, ndërsa 6% shoqëritë e pensioneve i investojnë në instrumente financiare, ndërsa të ardhurat e realizuara ndahen në llogaritë e anëtarëve.