Aeroplani i Gruevskit, aterim të detyruar për shkak të defektit

Aeroplani, me të cilin po fluturonte kryeministri, Nikolla Gruevski, dhe delegacioni qeveritar në kthim nga Strasburgu, si rezultat i një defekti është detyruar që të aterojë në Cyrih të Zvicrës.

Lajmin e ka konfirmuar zëdhënësi qeveritar, Aleksandar Gjorgjiev.

“Sipas informacioneve fillestare, mund të vërtetoj se gjatë kthimit nga Strasburgu ka ndodhur defekt në fluturimin e avionit qeveritar, në të cilin ka qenë edhe kryeministri Gruevski me bashkëpunëtorët e tij, me çka avioni është detyruar që të aterojë në Cyrih”- ka deklaruar Gjorgjiev.

Sipas të gjitha gjasave ka ndodhur dekompresioni në avion, ka thënë Gjorgjiev, sipas të cilit të gjithë anëtarët e delegacionit janë mirë, ndërsa shërbimet kompetente do të konfirmojnë shkaqet e defektit.