Ekonomi, RMV-ja dhe Dubai shqyrtojnë bashkëpunimin

 

“Në tremujorin e tretë të vitit 2024 arritëm një rritje të PBB-së prej 3%, në tremujorin e katërt të vitit 2024 dhe në tremujorin e parë të vitit 2025, 3.2%, dhe në tremujorin e dytë arritëm një rritje reale të PBB-së prej 3.4%. Kemi një rritje nominale prej 7.8%, që është diçka shumë e rëndësishme për të gjithë ne, sepse në fillim, kur po hartonim buxhetin tonë për këtë vit fiskal, disa nga institucionet financiare ndërkombëtare ishin shumë të shqetësuara se nuk do të ishim në gjendje të arrinim 7.5% të PBB-së nominale. Por, ne kemi arritur mbi 7.5%, dhe kjo është shumë e rëndësishme për ne.”, - deklaroi kryeministri, Hristijan Mickoski. 

 

Biznesmeni nga Dubai fton kompanitë tona që të ndërlidhen me afarizmin e vendit të tij dhe të thellohet edhe më tej bashkëpunimi midis Dubait dhe Maqedonisë së Veriut.

 

“Në vitet mes periudhës, 2020 -2024, tregtia midis tregjeve tona ka arritur në një total prej 495 milionë dollarësh amerikanë, duke nxjerrë në pah një trend afatgjatë të angazhimit pozitiv dhe mundësive në rritje. Ftoj komunitetin biznesor të RMV-së që të vizitojnë Dubain dhe ne t’i lidhim me partnerët relevantë biznesorë.”, - theksoi drejtori ekzekutiv i Odës Ekonomike në Dubai, Muhamed Ali Rashed. 

 

Oda ekonomike e Dubait mbetet e përkushtuar për forcimin e lidhjeve midis komuniteteve të biznesit dhe promovimin e flukseve të investimeve që çojnë përpara prioritetet e të dy vendeve.