Botë
Aeroportet e Kopenhagenit dhe Oslos pezulluan fluturimet, dronë në pistë
23.09.2025 10:10
Një incident i pazakontë ka shkaktuar kaos ajror në Evropën Veriore, pasi aeroportet kryesore të Danimarkës dhe Norvegjisë...
Një incident i pazakontë ka shkaktuar kaos ajror në Evropën Veriore, pasi aeroportet kryesore të Danimarkës dhe Norvegjisë u detyruan të mbylleshin për disa orë mbrëmjen e së hënës, për shkak të dronëve të paidentifikuar të parë pranë pistave të uljes dhe ngritjes së avionëve.
Policia daneze njoftoi se dy dronë të mëdhenj u raportuan duke fluturuar në zonën përreth Aeroportit të Kopenhagenit, duke detyruar pezullimin e të gjitha ngritjeve dhe uljeve për rreth katër orë, nga ora 20:30 deri në 00:30 sipas orës lokale. Si pasojë, rreth 20.000 pasagjerë u prekën nga vonesat, ndërsa të paktën 35 fluturime u devijuan në aeroporte të tjera, sipas të dhënave nga Flightradar24. Një situatë e ngjashme u raportua edhe në Norvegji, ku Aeroporti i Oslos u mbyll rreth orës 00:00 sipas kohës lokale, pasi u vëzhgua një dron pranë hapësirës ajrore të aeroportit.