Banorët e Shkupit përsëri me probleme në transportin publik

 

“Gjendja është katastrofave. Dje kemi pritur dy orë autobus.”, - tha një qytetare.

 

“Nuk ka autobusë. Po pres më tepër se gjysmë ore.”, - tha një qytetar.

 

“Çdo orë vijnë autobusët. Nuk ka autobusë të rregullt, presim shumë gjatë.”, - u shpreh një qytetare.

 

Nga sindikata e ndërmarrjes së transportit thonë se gjendja e  ndërmarrjes publike e komunikacionit nuk është e mirë. 

 

“Gjendja nuk është e mirë, nga dita e shtunë deri mbrëmë nuk ka pasur naftë të mjaftueshme, megjithatë gjatë ditës së djeshme, shumë automjete janë kthyer në garazhe, sepse nuk ka pasur naftë. Me naftë jemi furnizuar kah ora 19:00 me rreth 18 tonë. Kjo ishte për këto dy ditë e për nesër nuk e dimë se çfarë do të ndodhë. Qyteti i Shkupit duhet të ndërmarrë masa për këtë rast. Qytetarët unë i kuptoj, kanë revoltë. Kanë karta mujore dhe duhet të kenë autobusë të rregullt.”, - deklaroi Afrim Muça nga Sindikata e Pavarur e NTP-së.

 

Kujtojmë se edhe nëntorin e kaluar, problemi me transportin publik në Shkup u bë alarmant, pasi autobusët e NTP “Shkup” ndaluan së qarkulluari, për shkak të mungesës së naftës. Vetëm ato autobusë që punojnë me metan mund të shiheshin në rrugët e Shkupit.