Trump mirëpret Erdogan për bisedime në Shtëpinë e Bardhë

Presidenti i SHBA-së, Donald Trump do të mirëpresë homologun e tij turk, Recep Tayyip Erdogan, në Uashington sot për herë të parë që nga viti 2019.

 

Vizita pritet të përqendrohet në marrëveshjet dypalëshe tregtare dhe ushtarake, duke përfshirë edhe dërgimin e mundshëm të avionëve luftarakë amerikanë në Turqi.

 

Krizat aktuale globale, si lufta në Gaza dhe pushtimi i plotë i Ukrainës nga Rusia, ka të ngjarë të jenë gjithashtu në axhendë.

 

Turqia, një anëtare e NATO-s, mban marrëdhënie të mira si me Moskën ashtu edhe me Kievin. Lidhur me luftën në Gaza, Ankaraja ka kritikuar vazhdimisht veprimet e Izraelit.