Këmbësorët që kalojnë rrugën me celular, nga sot do të gjobiten

Këshilli Republikan për Siguri në Komunikacionin Rrugor njofton se nga sot hyjnë në fuqi ndryshimet e Ligjit për Sigurinë e Trafikut, të cilat janë miratuar me qëllim për përmirësimin e sigurisë për kategoritë më të cenueshme të pjesëmarrësve në trafik dhe uljen e numrit të aksidenteve të trafikut të shkaktuara nga pakujdesia. Sipas vendimit të ri, gjoba do të jetë 40 euro. Të njëjtat rregulla vlejnë edhe për shoferët e biçikletave, motoçikletave, mopedëve, triçikleve dhe katërçikleve, të cilët, sipas ligjit, gjatë drejtimit nuk lejohen të përdorin pajisje elektronike.