Kumanovë, 6 persona me aftësi të kufizuara në garë për këshilltarë komunal

Në kuadër të zgjedhjeve lokale që do të mbahen më 19 tetor, në listat për këshilltar komunal të komunës së Kumanovës gjenden edhe 6 persona me aftësi të kufizuara.

Nga Shoqata "Inkluziva" shprehin kënaqësi dhe thonë se ka përparim në kyqjen e personave në fjalë, por jo edhe përfshirjen e plotë.

Shoqata "Inkluziva kërkon nga pjesmarrësit në zgjedhje të tregojnë vullnet për përfshirjen e të gjithë qytetarëve. Të dhënat e shoqatës tregojnë se në listat e kandidatëve për këshilltar në garë janë futur edhe 6 persona me aftësi të kufizuara.

"Kemi identifikuar se rrallë kush ka zyra cila do qoftë parti, e që janë të kapshme për ti kyqur qytetarët me aftësi të kufizuara. Këtë kategori të qytetarëve rrallë kush i kyq në politikë për të krijuar politika dhe të njejtit të kyqen në lista, e sidomos të dëgjohen kërkesat e tyre", - theksoi, Bllagica Dimitrovska nga Shoqata “Inkluziva”.

Nga kjo Shoqatë theksojnë se akoma mbetet problemi me vendet e votimit për personat me aftësi të kufizuara, pasiqë mungojnë ashensorë dhe vende tjera me qasje direkte dhe më të lehtë.

"Institucionet nuk kanë qasje fizike për tu ofruar realizimin e të drejtave personave me aftësi të kufizuara, e njejta është edhe me arsimin, çerdhet, pasiqë një sër barrierash i pengojnë ata që të jenë të barabartë me të gjithë qytetarët", - theksoi, Dimitrovska.

Nga Shoqata “Inkluziva” kërkojnë që edhe programet e partive të jenë në formate adekuate me të gjithë qytetarët. Shoqata “Inkluziva” është ajo në të cilën secili qytetar i saj ka mundësi të barabarta në sjelljen e vendimeve, punën dhe zhvillimin e përgjithshëm. (Fatlum Aqifi, TVM2)