Botë
OSBE për të arrestuarit në Ukrainë: ishin pjesë e forcave ushtarake ruse
22.05.2015 12:34
Dy shtetasit rusë të kapur nga trupat ukrainase të shtunën e javës së kaluar kanë pranuar se janë pjesë e forcave të armatosura ruse, thuhet në një raport të OSBE-së...
Të arrestuarit janë marrë në pyetje në një spital ushtarak në Kiev nga anëtarë të Organizatës për Siguri dhe Bashkëpunim në Evropë.
“Ata kanë qenë të armatosur, por nuk kanë pasur urdhër të sulmonin”.
Rusia nuk i është përgjigjur kërkesave të fundit, por më parë ka thënë se ata nuk kanë qenë në detyrë kur janë kapur në Ukrainë.
Ndërkohë, sipas OSBE-së, dy personat kishin udhëtuar për në Ukrainë në një “mision zbulimi”.
“Njëri prej tyre tha se ishte urdhëruar nga njësia e tij ushtarake për të shkuar në Ukrainë, ndërsa kanë pranuar se kanë qenë edhe më parë në Ukrainë me misione. Ushtarët rusë, në mënyrë të përsëritur, kanë thënë se nuk ka pasur trupa ruse të përfshira në luftën e Ukrainës”- thuhej më tej në raport.
Qeveria e Ukrainës, liderët perëndimorë dhe të NATO-s thonë se ka prova të qarta se Rusia po ndihmon rebelët me armë të rënda dhe ushtarë.
Ndërsa Moska mohon akuzat, duke këmbëngulur se shtetasit rusë, që luftojnë përkrah rebelët, janë “vullnetarë”.