Rihapet Aeroporti i Munihut, detektohen dronët

 

Më shumë se 30 fluturime u anuluan në Munih për shkak të dronëve që u panë mbrëmjen e së enjtes, duke lënë të bllokuar pothuajse 3 mijë pasagjerë. Fluturimet rinisën sot dhe sipas të dhënave të ueb-faqeve që gjurmojnë fluturimet, fluturimi i parë nga ky aeroport u realizua në orën 05:50.

 

Autoritetet gjermane kanë nisur hetimet për të identifikuar origjinën e dronëve. Ditë më parë presidenti ukrainas, Volodimir Zelenski, paralajmëroi Evropën se inkursionet e fundit me dronë tregojnë se Moska po synon që të “përshkallëzojë” agresionin e saj.

 

Gjatë kësaj jave edhe udhëheqësit e Bashkimit Evropian u takuan në Kopenhagë për të diskutuar forcimin e mbrojtjes së bllokut dhe për të krijuar një “mur për dronët”. Rusia ka deklaruar se këto plane të BE-së do të përshkallëzojnë situatën.