Dita Botërore e Mësuesve, MASh fillon fushatën kombëtare “Magjia është në dijeni”

 

Fushata do të hapet me një panel-diskutim që do të mbahet në Shtëpinë e Kulturës “Biljana Belichanec” në Shkup, duke filluar nga ora 10:00, ku do të diskutohet për qasjen institucionale ndaj arsimit, statusin e mësuesve, sfidat dhe nevojat e tyre, si dhe mënyrën se si shoqëria e vlerëson përkushtimin dhe ndikimin e tyre.

 

Ngjarjen do ta hapë ministrja e Arsimit dhe Shkencës, prof. dr. Vesna Janevska, ndërsa në diskutim do të marrin pjesë edhe përfaqësuesja e UNICEF-it në Maqedoni, Lesli Miler, dekania e Fakultetit Pedagogjik “Shën Klimenti i Ohrit” në Shkup, Biljana Kamçevska, si dhe përfaqësues nga komuniteti akademik dhe ai arsimor.

 

Në kuadër të ngjarjes, Ministria e Arsimit dhe Shkencës dhe Lidhja e Punonjësve Arsimorë të Maqedonisë do të ndajnë edhe çmimet “Punonjësi Arsimor i Vitit” për vitin shkollor 2024/2025 — si një akt mirënjohjeje publike, por edhe si simbol i përpjekjes për ndërtimin e një shoqërie që mbështet dhe vlerëson rolin e edukatorëve, mësuesve dhe bashkëpunëtorëve profesionalë.

 

Është paraparë një deklaratë e ministres Janevska para fillimit të ngjarjes, thuhet në njoftimin e MASh.