Zgjedhjet lokale 2025, VLEN mbajti tubim në Vrapçisht

 

Duke folur para të pranishmëve, kandidati për kryetar Memet Seferi tha se Vrapçishti si një komunë me potencial të jashtëzakonshëm ka mbetur e bllokuar, e harruar dhe e shfrytëzuar nga pushteti tetëvjeçar në këtë komunë. Ai tha se ka ardhur koha për t’i thënë mjaft padrejtësisë, korrupsionit, heshtjes që blen kohë dhe shet të ardhmen e banorëve të Vrapçishtit. Seferi premtoi se nëse merr besimin do të depolitizohet administrata dhe arsimi, ndërtimi i një rrjeti funksional, kanalizimi dhe furnizim të rregullt me ujë të pijshëm. Po ashtu Seferi premtoi një ambient më të pastër dhe mbylljen e deponive të egra. Votën për Seferin dhe kandidatët për këshilltarë e kërkuan edhe liderët e këtij koalicioni, Zekirija Ibrahimi dhe Arben Fetai.