Tiranë, Konferenca e NATO-s për mbrojtjen kibernetike

 

“Kemi kryer operacione në hapësirën kibernetike dhe kundërshtarët e dinë se shkelja e hapësirës mund të vënë në lëvizje nenin 5. Në Belgjikë ne po ngremë një qendër të integruar të kibernetikës në NATO dhe do informojë komandat e NATO-s për kërcënimet e rreziqet në hapësirën kibernetike duke përfshirë edhe infrastrukturën kibernetike dhe ushtarake. Në Hagë, në verë ramë dakord që do të arrijmë shpenzime 5% për mbrojtjen pro edhe për investime të tjera. Kjo do të thotë se mbrojtja jonë do të bëhet më e fortë dhe më rezistente ndaj kërcënimeve kibernetike.”, - deklaroi sekretari i përgjithshëm i NATO-s, Mark Rute.

 

Ndërsa kryeministri Rama u ndal tek sulmet kibernetike me të cilat u përball Shqipëria 3 vjet më parë.

 

“E pamë veten në mes të një sulmi kibernetik mjaft të keq e të gjerë që synoi infrastrukturën tonë digjitale. I mbijetuam kësaj dhe jam shumë krenar t’ju them që kemi një prej mureve mbrojtëse më të mira kibernetike mes vendeve të NATO-s. Nuk është vizionare, është diçka që lind nga nevoja më elementare e mbijetesës.”, - theksoi kryeministri, Edi Rama.

 

Rama shtoi se Shqipëria përballet çdo 3 minuta me sulme kibernetike. Vitin e kaluar u regjistruan 45 sulme kibernetike domethënëse, por pa pasoja të konsiderueshme.