Simpozium për kancerin e gjirit, zbulimi dhe trajtimi i hershëm shëron kancerin

 

“Ajo që është më e rëndësishme që në këtë simpozium do të ketë një panel që u dedikohet veçanërisht pacientëve, ku do të mund të shprehin shqetësimet e tyre dhe të ndajnë përvojat e tyre duke kërkuar konsultime nga mjekët që i kemi këtu dhe të gjitha konsultimet dhe shqetësimet që do t’i kenë ata mund t’i ndajnë me mjekët për të cilët ato kanë nevojë dhe kjo është e rëndësishme për ne si shoqatë që të sjellim gjithë këta mjekë me përvojën e tyre, dijen më afër pacientëve.”, - deklaroi Liridona Beqiri nga Shoqata “EZRA”. 

 

“Karcinomi i gjirit çdo ku në botë, por edhe tek ne është në rritje, ndërsa rritja më e theksuar është tek popullata më e re dhe kjo shkaku që sot të pyesim seriozisht dhe të punojmë në zgjidhjen e këtij problemi. Ngjarja e sotme kthehet në qasje multidisiplinare të metodave të reja në diagnostikimin dhe shërimin e kancerit të gjirit, me qëllim që të bëhemi më mirë, çdo ditë dhe më herët të zbulojmë kancerin e gjirit dhe të mundësojmë shërim efikas dhe të plotë.”, - deklaroi radiologia, Maja Capova. 

 

“Në parim varet më shumë në cilën fazë zbulohet sëmundja, prandaj them që të gjitha përpjekjet e sistemit shëndetësor janë të drejtuara në zbulim të hershëm, në anën tjetër kemi paciente që edhe në faza më të avancuara e kanë zbuluar kancerin e gjirit dhe kanë arritur me sukses të shërohen, por kjo kërkon përpjekje më të mëdha, me trajtime më të rënda. Mendoj që ka vend për optimizëm. Kanceri i gjirit është shenjë e luftës serioze dhe nuk d.m.th. që kjo luftë do të humbë.”, - theksoi kirurgu, Andrea Arsovski.

 

Simpoziumi për sensibilizimin dhe rritjen e ndërgjegjësimit për kancerin e gjirit iu bashkëngjitën edhe mjekë nga Shqipëria dhe Turqia.

 

“Duke e kapur këtë sëmundje sa më herët, sigurisht që ne rrisim shanset për t’u shëruar sëmundja, rrisim jetëgjatësinë e grave dhe u japim atyre një mundësi për t’u trajtuar në mënyrë sa më pak vulnerabël. Është një sëmundje që vjen vazhdimisht duke u shtuar në numra, por për fat të keq edhe duke u ulur sëmundshmëria në mosha, pra ne kemi vitet e fundit vajza shumë të reja me këtë sëmundje dhe kjo ngre një shqetësim të madh social, shtetëror dhe mjekësor.”, - theksoi radiologia nga Shqipëria, Albana Shahini.

 

“Ne diskutojmë së bashku trajtimin e kancerit të gjirit dhe siç e dini, zbulimi i hershëm është shumë i rëndësishëm për kancerin e gjirit, sepse nëse detektohet faza e hershme, shpëtohet jeta e pacientes.”, - u shpreh një mjek nga Turqia.

 

Sipas statistikave, në vendin tonë çdo vit diagnostikohen nga 1.200 raste të reja me kancer të gjirit.