Nesër në Tiranë, protesta “Në mbrojtje të lirisë”, ShFDK: Përçohet mesazh për pastërtinë e luftës

 

“Protesta që do të mbahet në Tiranë ka përkrahje të madhe dhe është protestë gjithëkombëtare, ku pjesëmarrja e njerëzve do të argumentojë që kësaj lufte kombit dhe shtetit po i bëhet padrejtësi. I bëj thirrje që të jenë të kujdesshëm, sepse protesta është e qetë. Do të jetë edhe kryeministri shqiptar në protestë.”, - deklaroi kryetari i ShFDK-së, Xhavit Jashari.

 

Ndërsa Shefik Sadiku, kryetar i Shoqatës së të Burgosurve Politikë, kërkoi që Gjykata Speciale të jetë transparente dhe të përfundojë sa më shpejt mandatin e saj, duke mos prodhuar më padrejtësi.

 

“Një prej kërkesave kryesore është që kjo gjykatë të jetë transparente dhe sa më shpejt të kryejë misionin e saj. Kjo gjykatë do të duhej që të mbyllte misionin e vet dhe të mos sharronte në padrejtësi më të mëdha. Sikur të kishin qenë pak fajtorë, shumë lehtë do të shmangeshin kësaj gjykate, por nuk e kanë ndjerë veten fajtorë. Prandaj i bëjmë thirrje publike edhe qeverisë së Kosovës, e cila i mbështet këto protesta, dhe presidencës po ashtu, që të kërkojnë rrugë diplomatike për të nxjerrë një rezolutë të re.”, - theksoi kryetari i Shoqatës së të Burgosurve Politikë, Shefik Sadiku.  

 

Pjesmarrjen e tyre në protestën e Tiranës e kanë paralajmëruar edhe shumë grupe të ndryshme të interesit, politikanë dhe njerëz me ndikim në shoqëri.