Fluturimet civile, ndalohet greva në M-NAV

 

“M-NAV ShA Shkup njofton publikun se Gjykata Themelore Civile e Shkupit më 16.10.2025 nxori vendim me të cilin miratohet propozimi i M-NAV ShA Shkup për të vendosur masë të përkohshme – ndalim të grevës së paralajmëruar nga Sindikata Profesionale e Kontrollorëve të Trafikut Ajror SSKL – degë e Sindikatës së Pavarur të Punonjësve të Transportit dhe Komunikacionit të RMV – Shkup.”, thuhet në deklaratën e M-NAV.

 

Vendimi thotë se procedura për një zgjidhje paqësore të mosmarrëveshjes kolektive nuk është zbatuar dhe se kërkesat e sindikatës nuk rrjedhin nga një marrëdhënie pune.

 

M-NAV njoftoi se e mirëpret vendimin dhe thekson vendosmërinë e saj për të respektuar ligjin, si dhe për të siguruar sigurinë dhe funksionimin e qetë të trafikut ajror në vend. Greva e paralajmëruar do të zhvillohej më 20 tetor, midis orës 10:00 dhe 15:00, me një mbyllje të plotë të hapësirës ajrore të Maqedonisë.