Curry rekorder, Golden State para finales së madhe
24.05.2015 16:01
Stephen Curry ka shënuar 40 pikë sot për të demoluar tërësisht Raketat e Houstonit dhe për t’i dhënë ekipit të tij epërsinë 3-0 në seri...
Me këtë fitore, Golden State Warriors do të kërkojë edhe një fitore në cilëndo ndeshje të radhës për të arritur finalen e madhe të NBA.
MVP i stinorit të rregullt, Curry, ka qenë thjesht i pakapshëm mbrëmë. Ai ka depërtuar nga çdo pozitë, ka shënuar 7 treshe nga 9 tentime, duke thyer rekordin e NBA-së në Play-Off për treshe, ndërsa ka bërë edhe kërcime të hatashme.
Për Rockets siç ndodh dhe zakonisht u dallua James Harden me 17 pikë por me përqindje dëshpëruese të gjuajtjeve me vetëm 3 prej 16.Takimi i 4-t final mes Rockets dhe Warriors do të luhet sërish në Texas të Hënën.