Tiranë, protestë në mbështetje të ish-eprorëve të UÇK-së

 

Mijëra shqiptarë nga të gjitha trevat shqiptare, Kosova, Maqedonia e Veriut e Mali i Zi dhe mbarë bota mbushën sheshin e veshur kuq e zi, nga ku kumboi mesazhi Drejtësi për liderët e UÇK-së.  Veteranë të UÇK-së udhëtuan nga Kosova të veshur me uniformën ushtarake, si dëshmi e gjallë e luftës për liri.

 

I pari që çeli protestën qe Organizatës së Veteranëve të Luftës të UÇK-së, Hysni Gucati.

 

“Tirana sot është kryeqendra e Shqiptarëve. Sot nga kjo tokë i themi botës se nuk ishim kriminelë, por bijtë e këtij kombi që dhanë gjithçka për atdhe”, u shpreh Hysni Gucati nga Organizata e Veteranëve të Luftës së UÇK-së.

 

Megjithëse me një shëndet të rënduar për shkak të thuajse një shekulli jetë, ish- presidenti Alfred Moisiu tha se liria nuk u dhurua, por u fitua me gjak.

 

“Është koha të mos heshtim, por të ngremë zërin sa më lart për të ngritur vendin tonë. Nuk mund të pranojmë të nëpërkëmbet gjaku i shqiptarëve. Liria e Kosovës nuk është dhuratë, është fituar me gjak, me sakrifica dhe vendosmëri. I bëj thirrje drejtësisë të tregojë veten për t’u bërë mësim të gjithëve”, theksoi ish presidenti i Shipërisë, Alfred Moisiu.

 

 Në mesazhin e tij kreu i BDI-së Ali Ahmeti tha se lufta e UÇK-së ishte e drejtë dhe se 4 udhëheqësit duhen liruar.

 

Djali i Hashim Thaçit e ndoqi nga afër, në krah të Taulant Ballës, kryebashkiakut të Prishtinës Përparim Rama dhe Ogerta Manastirliut.

 

Pas tubimeve në Tiranës, Prishtinë e Hagë, mbështetja për 4 liderët e UCK-së pritet t’i mbledhë shqiptarët edhe në Shkup.