Hong Kong, avioni del nga pista, raportohen viktima

 

“Rreth orës 04:00 të mëngjesit, një aeroplan mallrash që fluturoi nga Dubai për në Hong Kong doli jashtë pistës veriore gjatë uljes dhe u përplas përmes gardhit në det. Fatkeqësisht, në atë moment aty ishte një mjet patrullues i sigurisë së aeroportit. Aeroplani u përplas me mjetin patrullues dhe e shtyu makinën në det. Katër anëtarë të ekuipazhit u shpëtuan shpejt nga Shërbimi i Zjarrfikësve. Po ashtu, shërbimi shpëtoi edhe dy punonjës të sigurimit nga deti.”, - deklaroi drejtori i aeroportit të Hong Kongut, Stefen Jiu. 

 

Pista veriore e aeroportit në Hong Kong, një nga më të ngarkuarat në Azi, ku aeroplani doli jashtë pistës, është mbyllur, njoftuan autoritetet.