Kaosi me mbeturinat në Shkup, IShP: Rrezik për shëndetin e qytetarëve

 

“Nga sëmundjet që mund të paraqiten sëmundjet infektive të zorrëve, ndërsa sëmundjet tjera që mund të përcjellin brejtësit janë lesptospiroza, tularemia, ethe hemorragjike me sindromën e veshkës, që veç më kanë ekzistuar në vend, por tash me praninë e tyre munden edhe të paraqiten në numra më të mëdhenj. Personat që janë në kontakt me mbeturinat si punonjësit e higjienës komunale dhe të tjerët që kanë kontakt me mbeturinat, mund t’u paraqitet tetanus këtyre personave dhe ndonjë sëmundje tjetër.”, - deklaroi Dragan Kocinski nga IShP.

 

IShP-ja rekomandon masa për qytetarët nga sëmundjet ngjitëse. Të mbahet higjiena, të vendosen maska dhe doreza, të përdoren mjete për dezinfektim  dhe mbeturinat të hidhen në vendet adekuate.

 

“Unë i di rekomandimet, por për fat të keq nuk ka kontejnerë të ndryshëm për mbeturinat, të ketë vend të posaçëm për plastikë dhe qelq, të përfitojmë nga mbeturinat dhe jo të kemi brejtës.”, - tha një qytetar.

 

“Kjo punë është e tmerrshme, nuk kemi se si të mbrohemi.”, - tha një qytetar tjetër.

 

“Rekomandimet po i zbatojnë qytetarët dhe mendoj se dalëngadalë do të pastrohen mbeturinat.”, - u shpreh një qytetar.

 

Nga IShP-ja thonë që edhe pse gjendja është momentalisht stabile, çdo pakujdesi mund ta ndryshojë gjendjen, andaj rekomandohet për kujdes të shtuar nga ana e qytetarëve.