Ukrainë, Rusia vazhdon sulmet në të gjithë Ukrainën

 

 

“Jemi mirë, nuk jemi të plagosur, por shtëpia jonë është dëmtuar”,  u shpreh banorja e lagjes.

 

Luftime të ashpra po zhvillohen gjithashtu në vijën e frontit në qytetin kyç lindor të Pokrovskut. Moska pretendon se forcat ukrainase janë të rrethuara, Kievi e mohon këtë.

 

“Situata në Pokrovsk është e vështirë. Rreth 170,000 ushtarë të armikut janë përqendruar në atë drejtim, shumë në të vërtetë, por nuk ka ndryshime në qytet. Ka rusë, por ata po shkatërrohen, po shkatërrohen gradualisht”, theksoi presidenti i Ukrainës, Volodymyr Zelensky.

 

Ndërsa Moska raporton se janë kapur dhjetëra dronë ukrainas, Kievi ka zbuluar se shërbimi i inteligjencës ukrainase ka kryer një operacion special dhe ka çaktivizuar tubacionin kryesor rus të naftës "Koltsevoj" që furnizon qendrat kryesore industriale në Rusi. 

 

"Që nga fillimi i vitit, kemi pasur 160 sulme të suksesshme ndaj impianteve të prodhimit dhe rafinimit të naftës. Që nga shtatori dhe tetori i këtij viti, 20 impiante", u shpreh kreu i shërbimit të sigurisë ukrainase Vasyl Malyuk.

 

Në të njëjtën kohë, Ukraina njoftoi se kishte koordinuar punën me aleatët perëndimorë mbi paketën e 19-të të sanksioneve ndaj Moskës dhe se Brukseli tashmë po përgatit atë të radhës.